ein góð svona

fyrir Gumma og co.:

Það gerist margt

í henni London ef marka má fréttir dagsins.Hvernig er hægt að hafa kynmök við reiðhjól? Það hefði alveg mátt fylgja hvaða tegund átti í hlut og hvorrt það hefði verið með vilja reiðhjólsins.Ekki nóg með það, annar reyndi svipaðan leik við heila girðingu en var böstaður og kærður.

Og í gærkvöldi var ég að vafra á netinu.Fór t.d. á síðuna Skaparinn.com.Þar á bæ er greinilega sjúkt fyrirbrigði á ferð sem greinilega er þorir ekki að setja nafn sitt undir bullið sem það skrifar.Þekki einn sem er eldheitur nasisti af gömlu gerðinni og það er mikið sagt þegar hann hlær að þessum skrifum á þessari síðu. Hvernig er það annars er ekki hægt að banna svona bullsíður?

Og vegna tæknilegrar bilunar af veðurfarslegu ástandi fer fram engin neðansjávargjörningur í dag enda einnig dagvakt kvöldvakt hjá mér. Heldur ekki á morgun því þá þarf ég að mæta í 2 stk afmæli.Annað 40 hitt 6 ára.Kosturinn er að þetta er innan sömu fjölskyldu svo haldið á sama stað á sama tíma.

Og ég verð greinilega að fara að skanna inn fleiri myndum enda mikil eftirspurn eftir myndum teknum frá heimaplánetunni minni sem er stór djúp og köld (fyrir flesta) og blaut.. 

Farið var á

frekar ókrisnilegum tíma í heimsókn á heimaplánetuna mína eða um kl 0600.Allt gekk eins og í sögu allavega í byrjun. Í niðamyrkri með góð ljós var farið niður á við í Hvalfjarðarmynni.Lentum strax í mikilli ufsatorfu sem ruglaði okkur örlitið í ríminu enda sást ekkert nema silfurlitaðir skrokkar allstaðar sem litið var.Lentum nefnilega í henni miðri.Og slatti af rækjum sótti í ljósin. Fylgdum brekku niður á ca 14 m þá tók við klettabelti niðrá 20 m Þar rákumst við á bilflak gamla Lödu svo ef einhver saknar Lödu þá gæti þetta verið hún. Á uppleið lentum við í einhversskonar sogi sem dró okkur niður á við og eftir smá basl ákvað ég að bara að klifra klettabeltið og var næstum því komin upp á brekkuna þegar félaginn lenti í straumi eða sogi og fer aftur niður á við og grípur í mig af algjörum köfunardólgshætti og togar mig niður með sér.Aftur í klifurham og í það skiptið gekk allt vel. Keyrt svo í bæinn þar sem hann fór í vinnunna en ég í heita sturtu enda í fríi. Er að þamba kakó úr eðal súkkulaði meðan þetta er pikkað inn.

Stutt saga af dólgum

Ók af vaktinni sem algjör ökudólgur og kom við í sjoppu þar sem búðardólgur afgreiddi mig um eina kók og með því. Því næst kom ég við á flugvellinum þar sem ég sótti flugdólg.Skutlaðist með hann í Garðabæinn með smá viðkomu í Kópavoginum þar sem bensíndæludólgur sá um afgreiðslu. Á heimleið var ég svo næstum því búinn að fletja út einn elliheimilisdólg sem var að sniglast á skjaldbökuhraða á grænu ljósi í svarta myrkri yfir gangbraut. Eftir heimkomu fékk ég svo gest í heimsókn sem er algjör reykingardólgur....

nýtt orð í

íslensku máli : Nú heita reykingafólk ekki lengur reykingafólk heldur reykdólgar.....samanber nýjustu fréttum.

Fleiri myndir

frá minni plánetu.:

3 úr neðansjávarheimum

Íslenskt

stjórnsýsla og íslenskt viðskiptalíf: Löglegt en siðlaust eins og einhver orðaði það.

Dagur svartra katta

var á Ítalíu.Örfáar manneskjur ítalskar eru að reyna að snúa ævarfornri trú við komið frá Páfagarði um að svartir kettir séu stórhættulegir og illir vættir fylgi þeim.Ennþá í dag á öld upplýsinga er páfagarður með þá grillur að svartir kettir eru af því ílla.Það var líka bifreiðin og flugvélin á sínum tíma hvorttveggja álitin uppfinning djöfulsins Rafmagnið fékk þennann dóm líka á sínum tíma.Sýnir bara að páfagarður er á móti allri framför og stendur enn á miðöldum Skildu þeir enn halda því fram að jörðin sé flöt þrátt fyrir sannanir um hið gagnstæða?.

Það var alveg

djöfulega kalt í gærkvöldi um kl 22:00 er ég fór af vaktinni heldur léttklæddur.Og í morgun þegar ég átti að mæta á morgunvakt,klæddi ég mig upp næstum því að hætti eskimóa.En þá er barasta frekar hlýtt útivið.Einn félaginn var að stínga uppá að fara í sjósund bara á skýlunni einni en ég hélt nú ekki Ef manni verður kalt í þurrgalla sem öllu jafnan heldur vel á manni hita þá er ég ekki tilbúinn að láta frysta mig á skýlunni einni saman. Eftir vakt er ég búinn að taka að það hlutverk að fara með fullann bílfarm af leikfangasjúkum frænkum og frændum í eina af leikfangaverslunum sem nýverið er búið að opna hér á norðurhjara veraldar.Og það verður hrein geðveiki. Og stefnt er á ískalda köfun í stóru frystikistunni sem umlykur okkur einhversstaðar á morgun en þá á ég aldrei þessu vant frí. Myndavélin verður þá með í för svo glænýjar köfunarmyndir koma hér inn. Allir bíða spenntir + spenntar. Líka ég.