Lækkun eldsneytis

fékk mig til að gera svona :

vá heilar 1 króna.Hækkar svo aftur um 3

Helginni lokið

og vinnuvika að byrja.Laugardagurinn fór í barnaafmæli hjá einum frænda mínum sem er orðinn 6 ára.Sunnudagurinn fór í að lagfæra hitt og þetta smálegt sem hefur bara dregist hingað til aðallega vegna leti eða þá tímaleysis vegna vinnu. Skroppið í Þingvallarferð í gluggaveðrinu i gær.Og náttúrulega tækifærið notað til buslferðar í Silfru gömlu.

Skutlaðist

austurfyrir fjall í góða gluggaveðrinu í dag.Það var sólskin,kalt og hvasst.Fór í Þykkvabæinn.Ástæðan var jarðaför.Hitti gamla skólafélaga og fyrrum leikfélaga og fullt af eldra fólki sem flest mundi eftir mér prakkaranum þó ég ætti sjálfur erfitt með að kannast við viðkomandi.Allir virtust muna eftir að ég hefði gert þetta eða hitt. Dóttir þeirrar sem jarðsungin var rifjaði það upp þegar ég hafði fengið hana með í hjólaleiðangur ca 16 km leið að Hellu.Vorum 6 eða 7 ára.Foreldrar beggja ekki alveg parhrifin með uppátækið.

Þetta var algjörlega

alveg óvart, að ég læsti einn frænda minn inni Vorum að vinna saman að standsetja íbúð fyrir fáeinum árum sem hann hafði fjárfest í. Hann fór inná baðherbergi sem á vantaði allt innanfrá en var komið að utanverðu og til að komast út varð að halla eða loka hurðinni Hann sagðist vera að fara en ég var fáeinum mínútum lengur.Svo fór ég í þeirri trú að hann væri farinn út svo ég lokaði hurðinni um leið og ég fór framhjá og læsti þar með kauða inn hehehe. Yfir nóttina varð hann að dúsa símalaus og allslaus meðan ég svaf á mínu græna í mínu mjúka rúmi heima. Hann heldur því ennþá fram að þetta hafi verið viljandi en ég segi það enn og aftur að það var óvart.

Var að finna eina góða

gamla loggbókarfærslu frá 2002.Var þá að kafa á Filippseyjum.Ég einn innfæddur og Skoti sem bjó og býr ennþá þarna úti.Og við vorum algjörir skrattapúkar. Á þessu tiltekna svæði er mikið um svokallaða sjóræningja sem eltast við snekkjur og leigubáta sem gjarnan túristar taka á leigu.Fyrsta reglan er að hleypa engum öðrum bát að nema þú þekkir viðkomandi.

Köfuðum frá landi Skotinn var með eitthvað í poka sem hann tók með sér niður. Svo í miðri köfun komum við að akkerisfestingum og dóluðum okkur upp eftir henni Sá skoski fyrstur og ég síðastur.Skotinn leit pínu upp og fór snögglega niður aftur opnaði pokann og dró úr honum svartan fána með hauskúpu hvítri sem allir þekkja. Upp fórum við og viðbrögðin um borð voru eftir því,köll og læti og fjaðrafok. En sem betur fer var þetta vinur þess skoska sem jafnaði sig fljótt á uppitækinu en hélt fyrst að þetta væri ný lína hjá sjóræningjum að koma þessa leið.

Þess má geta að á Filippseyjum eru sjóræningjar settir beint á aftökulista stjórnvalda ef til þeirra næst. Svo við voru bara heppnir að hitta á rétta bátinn til að hrella saklausa....hohoho...

Aðeins minni

leti í dag en í gær. Er þessa stundina bæði að netvafrast og að aðstoða við að setja upp eldvarnarhurð. Hvað maður gerir eftir það kemur seinna í ljós. Allavega er veðrið gott og dregur mann kannski til að gera eitthvað sem maður hefði getað gert í gær. Búinn að yfirfara búnaðinn fyrir næstu neðansjávarferðalag,myndavélin yfirfarin svo allt er klárt. Hvar maður kafar er ekki ennþá ákveðið. Kannski sunnudagurinn fari i það Morgundagurinn er frátekin fyrir ferð austur fyrir fjall og laugardagurinn fer í enn eitt barnaafmælið Þar sem einn frændinn á afmæli. Svo sunnudagurinn eða mánudagurinn er á lausu. Kemur allt i ljós eins og einhver sagði

Síðbúið páskafrí

Komin í 5 daga frí Síðbúið páskafrí þar sem ég vann alla páskanna. Og ætlaði að gera svo margt en á endanum gerði svo alls ekki neitt. Verið er að setja eldvarnarhurðirnar upp og á morgun er komið að minni.Sótti skattaskýsluna og fæ endurgreiðslu.Bjóst reyndar ekki við því en alltaf gaman að vera í plús hjá skattinum hehe. Svo er stefnt á það að gera það sem stóð til að gera í dag á morgun.

Nýjasta þarfaþingið

í bílinn allavega á Íslandi:

 

25 mars anno 2008.

Var á næturvakt,lúrði í ca 3 tíma,aðstoðaði við að koma brunavarnahurðum upp í stigagangnum sem vógu þungt.Greinilegt að þær eiga að stoppa eða tefja eld auk þess að vera það þykkar að þær eru næstum sprengjuheldnar.Sem þýðir að það verður ekkert gaman fyrir mig um næstu áramót hehehe get ekki sprengt hurð nágrannans.....bara grín geri aldrei svoleiðis.Var svo að tölvufíkúrast fyrir frænku litlu í sambandi við brennslu á diskum.Skroppið í Garðinn í leit af tanngómum en ekkert slíkt fannst þar.Eina sem fannst reyndar var hálsmen með nafni og sem betur fer simanúmeri líka svo auðvelt var að rekja til eiganda sem reyndist vera 7 ára mær úr Reykjanesbæ.Sem fékk óvænta heimsókn kafara í afmælið sitt með hinn týnda hlut.Sem var búið að liggja 4 mánuði í vötri gröf við bryggjuna í Garðinum.Ánægð að endurheimta menið sem var gjöf frá afa hennar. Semsagt eitt góðverk i dag.

kannski ekki

heppilegur hrekkjavökubúningur  í dag hehehe......