24.03.2008.

fór í ekki neitt.Annað en það að prenta út fáeinar ljósmyndir og brenna disk fyrir eina af frænkunum. Letin að öðru leyti i fyrirrúmi.Eina skiptið útfyrir hús var að fara í vinnunna,á næturvakt.

G-mailið er

virkt en simnetið ekki.Bara láta vita ef einhverjir ætla sér að senda mail.

Tvær frænkur

kepptust um að mata mig á páskaeggjum og innihaldi þeirra í kvöld áður en ég mætti á vakt Auk þess var venjulegur matur í boði Svo ég er í spreng.Önnur þeirra etur ekki lakkrís og kom þeim hluta yfir á mig sem ég kom síðan yfir til systur hennar sem skilaði hluta aftur til systur sinnar Semsagt endalaus hringrás. Maturinn var góður en ég reyndar borðaði litið af honum Kannski ekki alveg rétt að byrja á lakkrís og súkkulaði á undan aðalrétti. Verður i réttri röð næst. Sú þriðja í frænkuröðinni varð eitthvað leið á bróður sínum og skutlaði honum inní skáp og læsti. Sá var ekkert að láta í sér heyra í prísundinni heldur plokkaði uppáhaldsdúkkuna hennar af bratzættkvíslinni í öreindir.Hann á yfir höfði sér stórfellda hefndarárás af hendi systur sinnar sem þessa stundina vill helst pakka honum í gám og senda aðra leiðina eitthvað nógu langt í burt. Svo ég er hálfgerð friðargæslusveit á milli þeirra. Sú stutta komst að því að ég færi að öllu óbreyttu til Italíu í sumar og rær núna öllum árum að því að fljóta með. Án bróður sins.

Svar til Frilla.

Myndin sem þú gerðir athugasemd við er tekin við Filippseyjar á 30 metra dýpi Er af flutningaskipi sem Japanir sökktu við eyna Mindono. Þar er hellingur af flökum.Gósenland fyrir kafara Hér við land er hellingur af flökum en gallinn er að þau eru yfirleitt á dýpi sem illa er að komast á,langt í þau frá landi en fáein eru nógu nálægt og á viðráðanlegu dýpi Þú getur farið á www.köfun.is þar á að vera listi yfir flög sem vitað er um hér við land.

Köfunartölvan

pípti á mig í dag.Ekki sátt við hraðann upp og gaf viðvörunarmerki sem varp til þess að ég náttúrulega snarstoppaði,bakkaði niður i djúpið aftur og tók afþrýstistopp til öryggis. Hef verið lukkunar pamfill með það að í öllum mínum ferðum á hafsbotn hef ég aldrei lent i því að fara í afþrýstiklefa. Fyrir utan eina ferð reyndar en það var tilraunaferð til að kynnast slíku apparati og leysa þrautir.Þrautir sem eru auðveldar á þurru landi eins og 2+2:4 en í þrýstiklefa þar sem farið er niður á 50-60 metra verða 2+2:stjarnfræðileg útkoma.Skyggnið var ágætt.Bjóst nú reyndar ekki við því á Kjalarnesinu.(Gullkistuvík) Fór að gamla Laxfossi eða hluta af honum sem liggur þar fyrir utan.

sjaldséð sjón

yfir Reykjavikurborg Fullt tungl og norðurljós.Flott.

Föstudagurinn langi

búinn þetta árið.Var einn lengsti og leiðilegasti dagur ársins hér í den Allt var lokað,ekkert hægt að fara og ekkert mátti maður.Breyttir tímar sem betur fer.

Rólegur dagur

Ætlaði austurfyrir fjall í dag en það breyttist allt.Konan hafði nefnilega boðið til matar um sexleytið og eyddi deginum i matartilgerð. Ég skrapp i Garðinn og henti mér framaf bryggjunni í blíðskaparveðri.Skyggnið var meiriháttar og dýralífið með meira móti. Ufsar Steinbítar krabbar marglyttur og einn selur voru í návígi við okkur allann tímann. Ekki fundum við tanngóma í þessari ferð né heldur brjóstahaldara Kannski þær i Garðinum séu ekkert að spandera svoleiðis í sjóinn.  Nokkur igulker voru tekin upp Krakkar eru alltaf til i að fá svoleiðis í hendurnar.  

stutt færsla:

GLEÐILEGA PÁSKA.

Droppuðum

okkur tveir saman í Keflavíkurhöfn í morgun Ekki kannski alveg staðurinn til að busla í en fórum samt Félaginn var að prófa sig áfram með glænýtt sett af öllum búnaði.Skyggni var 0-1meter. Upp var komið með krossfisk, og fáeina kuðunga fyrir krakka sem ráku i okkur augun við buslið. Einnig var komið upp með eitt stk tanngóm svo ef einhver saknar tanngóms er bara að hafa samband og máta. Líka komum við upp með eitt stk brjóstahaldara í stærð......svo ef einhver Keflavíkurmær saknar .........