Nú er allt að

skella á.Alla vikuna er maður búinn að fara á milli vakta með eitthvað smotterí á milli hýða.En á morgun veit ekki klukkan hvað er það final svo maður sletti inn smá ensku. Aðalflutningurinn fer fram á morgun.Búinn að sanka að mér heilli herdeild af þrælum til að taka allt það þunga (á meðan ég tek allt það létta hehehe)Og veðrið ætlar að standa með manni,kannski kalt en það sem mest er þurrt. Síðustu geymsluhlutir í kassa í kvöld eftir vakt. Aftengi síma+tölvu+sjónvarp og þá er það bara klárt Kannski smáskutl með dót eftir vinnu ef ég nenni.

Fyrir utan þetta er það bara vinnan og aftur vinnan,ekkert breytist í sambandi við það.Er þó farin að íhuga að breyta til enda orðin heldur betur þreyttur á vaktarvinnu.Sé til með það seinna Fyrst eru það flutningar og kaup og sala með öllu því sem því fylgir.

Og ef ég skyldi ekki geta eða hafa tíma til að blogga um helgina þá nota ég bara tækifærið núna og segi Góða helgi öll sömul til lands og sjávar.

NATO að störfum

Meira af gömlum syndum

hafa komið uppá yfirborðið við pökkun á geymsluhlutum. Erjur voru tíðar í þorpinu á milli austurbæjanna og vesturbæjanna og við krakkarnir sem bjuggum miðsvæðis vorum hálfgerðir málaliðar sem hinir gátu keypt til sér til aðstoðar. Stundum lentum við þó í því að vestrið og austrið sameinaðist gegn okkur og var þá barist grimmt að hætti forfeðranna með öllum vopnum. Og vopnin þróuðust frá trésverðum uppí sverð þar sem álþynnum var sett utaná til að þyngja og veita þyngri högg Svo var farið á laun að brýna álið og gera vopnin beitt sem kallaði á góðan hlífðabúnað Í stað boga voru skæðustu vopnin teygjubyssur sem steinar og seinna bognir naglar voru skotfærin. Ég lenti í heldur óskemmtilegu í einni af þessum hrinum þar sem verið var að herja á okkur sem bjuggum miðsvæðis.Var á undanhaldi og flúði undan teygjubyssuskothríð inní fjós sem nýlega hafði brunnið Sá flótti endaði í blautum hlýjum og íllþefjandi stað.Tók ranga ákvörðun ranga beygju og ákvörðunarstaðurinn var flórinn. Þar lá ég í fullum herklæðum og beið eftir því að vera tekin til fanga en óvinaherinn hafði enga löngun á því að taka mig illþefjandi eins og skúnk  til fanga og heldur ekki að bjarga mér útúr þessum aðstæðum Það varð ég að gera einn. Fékk heldur betur að heyra það þegar ég kom svo heim blautur og lyktandi og var sendur í bað með hraði. Þessi leikur fékk snögglegan endi einn daginn þetta sumar en þá var hart barist eins og oft áður Einhver með teygjubyssu setti glerbrot í og skaut með þeim afleiðingum að einn fékk það í auga og blindaðist Hreppstjóri ásamt lögreglu bankaði uppá næsta dag og afvopnaði allt þorpið og bann lagt á allt stríðsbrölt. Næstu erjur fóru fram á fótboltavellinum í umsjá dómara og kennara. Þetta rifjaðist upp þegar ég fann eitt svona heimatilbúið áltrésverð í einni af geymsluinnpökkunarferðinni. Einnig fann ég ör en boginn er löngu farinn til feðra sinna en kom við sögu á öðrum stað á öðrum tíma Þá var ég komin á malbikið. Og hafði fengið kröftugan boga að gjöf ásamt markskífu til að skjóta á. Vorum þrír sem fórum útí garð að æfa í skotfimi.Urðum fljótlega leiðir á að skjóta á skífuna og prófuðum þess í stað að athuga hve langt ör gæti farið Örinni var skotið og fannst eftir töluverða leit í garði langt frá í þvottabala þar sem hún hafði farið í gegn um öll fötin og að endingu gegnum balan. Heppnir þar. Svo kom að því að ég væri með bogann,spennti bogann og miðaði.Hinir tveir félagarnir voru að slást þó ekki í illu og ég ákvað að hræða þá aðeins.Ætlaði að láta örina á milli þeirra en geigaði svo að annar þeirra fékk skotið uppí sig og næstum því í gegnum kinnina Það sem bjargaði var að ég hafði sem betur fer slakað það vel á boganum að örin fór ekki af fullum krafti en nóg samt til að valda slysi. Bogi og ör eru semsagt skarræðisvopn en ekki leikfang. Sama gildir um teygjubyssur.

Það kemur ýmislegt

upp á yfirborðið þegar farið er í það verk að gramsa úr geymslunni og pakka niður.Fann til dæmis gamla  dagbókarfrásögn um ferð á sveitaball. Þá bjó ég fyrir austan fjall og það var auglýst sveitaball. Og við vorum tveir félagarnir sem vorum harðir á því að fara.Misstum af rútuferð engin vildi skutla okkur og ekki fengum við gamla jálkinn rauðan Fergisontraktor til að skutlast á Útlitið heldur svart. EN...málinu var reddað með snilldarhugmynd. Lagt var á tvo hesta og farið var með gamla laginu á sveitaball þar sem harmonika og vinillplötur sáu um fjörið. Þess má geta að heimleiðin til baka var alfarið á vegum hestanna sem skiluðu þó knöpunum heim á réttann stað. Smáskammir fylgdu þó daginn eftir fyrir að hafa tekið hestanna í leyfisleysi og lentum við í því að moka flórinn svona í hálfgerðu refsingaskyni.

Gamalt og gott...

                                              Leyfi tilraunaveiða á karlmönnum.

Ráðuneytið tilkynnir að kvenfólk í Reykjavík hefur fengið leyfi til að stunda tilraunaveiðar á karlmönnum.Leyfi þetta gildir frá 1 júni - 30 sept 2008 eða þar til annað verður ákveðið og er háð eftirfarandi skilyrðum:

1. Óheimilt er á timabilinu 1 júni-30 sept 2008 frá mánudegi - miðvikudags að báðum dögum meðtöldum að veiða meira en 3 karlmenn og er þá gert ráð fyrir að veiðarnar hefjist kl 22:00 og ljúki kl 01:00. Á fimmtudögum og sunnudögum er heimilt að veiða 2 karlmenn hvort kvöld og skulu veiðar hefjast eigi fyrr en kl 22:00 og enda eigi síðar en 03:00.Einnig er heimilt á timabilinu að veiða eina viku í senn allann sólarhringinn og skal fjöldi karlmanna ekki fara yfir leyfileg mörk sem eru 28 stk.Andvirði umfram karlahámark skal gert upptækt skv. lögum 66 frá 30 maí 1978 um upptöku ólöglegra karlmanna. Sama gildir ef veiðar eru stundaðar umfram leyfilegan veiðitíma.

2. Veiðar eru óheimilar á Norður,Vestur og Austurlandi.Á Suðurlandi eru veiðar heimilar á svæði sem að norðan markast af línu sem dregin er réttvísandi vestur frá Reykjavikurvegi og sunnan af línu dregin réttvísandi austur frá Vesturlandsvegi Veiðar skulu vera gerðar út frá svæðum sem markast af eftirfarandi punktum.:

Hótel Saga   66''36''N-64''22''V    Hótel Ísland  54''67''N-58''34''V  Péturspub 12''59''N-53''67''V

Vegna útrýmingahættu karlastofnsins hefur karlarannsóknastofnun lagt til að hætt verði að gera út frá Nasa um óákveðin tíma eða þar til annað hefur verið ákveðið.

3. Lágmarksstærð veidds karlmanns skal vera 170 cm Er þá miðað við fullþroska karlmann með haus. Undirmálsmenn teljast ekki til veiðihámarks og skulu þeir viktaðir sérstaklega og þeim haldið frá öðrum réttsköpuðum karlmönnum til aðgreiningar. Sýktir og útlitsgallaðir skulu tafalaust vera sendir í bræðslu.

4. Lágmarkssídd á pilsum skal eigi vera styttri en 50 cm.Óheimilt er að nota hvers kyns veiðitæki svosem sokkabönd,magabelti eða annað það er laðað getur að óæskilega karlmenn.Einnig er óheimilt að nota hvers kyns  farða sem orkað getur tvímælis á karlmenn.

Verði leyfi þetta misnotað að dómi ráðuneytisins varðar það sviptingu veiðileyfis.Veiðieftirlitsmenn skulu hafa umsjón með að lögum þessum sé framfylgt.

Þeir voru

fljótir að hækka, en að lækka verð nú þegar lækkun er á heimsverði verður seint eða jafnvel engin. Er ekki tími til komin að gera eitthvað í þessu máli Hætta að tala og kvarta hver í sínu horni heldur láta verða af því að gera eitthvað til að þeir hætti þessu rugli.

Olíuverð lækkar aftur

Gaf mér smátíma

á milli þess að ég fór með fáeina kassa í nýja hýðið,skutla kellu í vinnu og sækja,að fara í Hvassahraunið með einn sem lengi hefur langað að fara útí. Svo það að dvelja á þurrlendinu stóðst ekki lengi. Það er svona hafmeyjarnar laða og seiða....Við þetta bætist svo næturvaktir þessa vikuna + fundur. Búið er að ákveða að aðalflutningarnir með allt það þunga verður næstkomandi laugardag,þrif á gamla bangsahýðinu á sunnudag og afhending lykla svo einhverntimann í vikunni.

Köfunin gekk vel. Fáeinir trjónukrabbar heilsuðu nýliðanum með smá klípi,ég varð að leyfa þeim að klípa.Eins og er er vinnustaðafriður en stefnt  er á öldu vinnustaðahryðjuverka mjög fljótlega Má segja að báðir aðilar eru í startholunum og búnir að úthugsa árásir og varnir. Bara þarf að finna réttan tíma til framkvæmda. En eitt er víst að það verður fjör á nýju ári.

Engin bloggtími

fyrr en nú. Fékk lykla afhenda að nýja hýðinu og hef verið að dunda við það milli vakta að pakka rest niður og fara með pakkningar yfir í nýju,málverk og hluti sem gætu brotnað. Aðalflutningadagurinn verður á laugardaginn næstkomandi svo þá ætti ég að geta afhent mína á mánudag eða þriðjudag. Eða með öðrum orðum það er búið að vera nóg að gera og verður nóg að gera á næstunni. Verð á næturvöktum þessa vikuna Það er aðeins skárra vegna flutninganna þó þær séu hundleiðilegar. Á  að vinna n.k helgi en verð að kría út vaktaskipti. Engin köfun fyrr en eftir flutninga og ætla að standa við það eða þannig sko..

Var reyndar búinn

að stefna á að kafa ekki neitt á nýju ári fyrr en allt þetta flutningsstand væri lokið...en það nýársloforð fór ekki alveg eftir áætlun. Þannig að ég er semsagt búinn að fara mína 75 ferð í Silfru gömlu. Alltaf sami klassinn.Verð aldrei þreyttur á henni. Jafnframt var þetta á 13 ára ferli í neðansjávarheimum ferð númer 850. Semsagt 850 ferðir að baki og ennþá lifandi þrátt fyrir 11 kafanir með hákörlum,fáeinar hellahafanir og 11 ferðir með tannhvössum krókódílum. Sýnir bara að maður er í meiri hættu á Miklubrautinni en innan um sjávar-og vatnskvikindi sem hafa orð á sér að vera ekki nein kurteisisskepnur. Sú versta skepna sem ég hef lent í er eða var sakleysisleg sjóskjaldbaka sem eftir nánari kynni var ekkert gæðablóð eftir allt saman. Alla vega kom okkur ekki vel saman.

Er á vakt í pappírsvinnu hálfnaður og tók smá blogglestrarpásu..

Ekki

byrjar árið vel hvorki veðurfarslega,rigning og rok,og líka með að ég held alveg óþarfa hækkun á eldsneyti.Þeir eru alltaf fljótir að hækka verð við minnstu röskun en tregir og seinir að taka við sér við lækkanir.Er ekki alveg komin tími til að eitthvað sé gert í málunum td ríkisstjórnin grípi inn í þessi mál. Svo svona í leiðinni má alveg fyrir mína parta leggja þetta embætti niður sem nefnist forseti. Til hvers er að hafa forseta.Annarsstaðar er þetta æðsti maður landsins og maður sem stjórnar en hér er þetta embætti valdalaust og aðeins til skrauts og í auglýsingaskyni.Auglýsing sem er dýr og verður dýrara með hverju árinu. Ég held að forsætisráðherra eða einhver ráðuneytisstjóri geti td alveg séð um allar orðuveitingar og önnur verk sem hefur verið í höndum forsetavalds. Þetta er allavega mín skoðun á hlutunum.