Þingvallarköfun

Sumarið 2006.Fórum fjórir  saman í sól og blíðu og stefnan tekin á Þingvöll Ákveðið var að fara 2 kafanir,í Silfru og aðra blindandi á einhverjum nýjum stað.Í byrjun var farin hefðbundin ferð í Silfru frá veginum að útjaðri gjáarinnar og til baka aftur.Og allt gekk vel.Tekin hvildartími samkvæmt köfunartöflu en síðan var farið hinummegin við veginn.Kattagjá svokölluð varð fyrir valinu lítil og þröng.Gekk vel i byrjun en brátt var farið undir hraun semsagt hellaköfun sem ekki var reyndar það sem stefnt var að en áfram var haldið og ég settur í forustuhlutverkið.Vorum komnir i hálfgerðar ógöngur þegar litið gat kom i ljós og ákvað ég að fara upp stinga hausnum upp til að tékka á nánari staðsetningu.Þar fyrir í laut innan um hraunið voru 2 eldri konur að kjafta og sleikja sólina þegar ég birtist eins og skrattinn úr sauðaleggnum uppúr jörðinni Fékk ekki einusinni tækifæri til að bjóða góðann daginn því þær gömlu voru farnar með því sama í hálfgerðu losti. Annað gat var rétt hjá nógu stórt til að við kæmust upp með búnaðinn og lögðum við á okkur að labba með búnaðinn til baka.Hvernig þeim gömlu hefur reitt af hef ég  aldrei heyrt um. Líklega hafa þær þó náð sér eftir sjokkið.

Lenti

tvisvar sinnum i því um helgina að spá rétt án þess að fá neina skýringu á hlutunum Bæði skiptin var um bila að ræða.Skutlaðist á laugardeginum og blár BMW var á akreininni við hliðina á mér,og ég leit eitthvað á hann og sagði um leið við farþegann við hliðina á mér að þessi ætti eftir að fara í köku. Svo kom grænt og samhliða vorum við stuttan tima en þá gaf hann í og stuttu seinna var hann eitt brak,keyrði aftaná annann Á sunnudeginum á heimleið frá Þingvöllum var bifreið á undan mér og ég skaut því útúr mér að það kæmi eitthvað fyrir hann þennan Rétt seinna var hann utan vegar með sprungið afturdekk. Í matarboði á laugardeginum hafði ég orð á því við einn að hann ætti eftir að lenda i einhverju sem og skeði því hann hellti yfir sig sprite seinna um kvöldið. Það var líka í sama boði sem 3 ára frændastubbur kom með þá yfirlýsingu hátt og snjallt að ég væri bæði frændi sinn og pabbi sinn.Eða þannig..dálitið óvænt skot frá þeim stutta en svona eru börnin láta allt flakka þegar þeim hentar.

Íslenskt þjóðfélag

er orðin brandari í dag Krónan þessi handónýti gjaldmiðill er í frjálsu sem ekki er hægt að sjá endann á, eldsneytisverð hækkar enn meir, lánin hækka og ríkisvaldið sýnir engin merki um að gera eitthvað í málunum. Á meðan blæðir hinum almenna borgara í boði ríkisvaldsins. Kallar fleiri hækkanir ekki bara á landsflótta ? Eða bara borgarastyrjöld.......

Tími komin

að losa okkur við þessa krónu í eitt skipti fyrir öll.Hvaða tilgangur er það að halda í hana.Allir tapa,getum svo í leiðinni losað okkur við þá stjórnmálamenn sem vilja halda í gamla tíma....bara hugmynd. Er með eitt lán sem stendur og held að það sé alveg komin tími á að breyta því í erlenda myntkörfu.Annars hækkar það uppúr öllu valdi.

Mesta gengisfall á einum degi

Helgin

fór ekki alveg eftir áætlun en samt skemmtileg.Laugardagurinn sem átti að fara í afslöppun endaði í stórveislu hjá ættingjum konunar.Mikið etið svo maður stóð á blístri.Gærdagurinn fór svo í Þingvallarferð en ég skrapp með japanska stúlku sem var að láta draum sinn rætast. Þegar hún var 7 ára í Japan sá hún mynd um köfun.Þar á meðal var sýnt frá Þingvöllum og alla tíð síðan stefndi hún á það að kafa þar.Núna í gær á 23 ára afmælisdegi sínum lét hún draum sinn rætast og fílaði Silfru alveg i botn.

Aukið

hatur á austantjaldsfólki á Islandi er ekki gott mál Það á ekki að dæma heila þjóð eftir einhverju sem 1 eða 2 menn gera. Maður gæti þá eins dæmt 250 milljón manns í sama hatt og þann forseta sem rikir núna yfir þeim. Þekki nokkra pólverja og hef 2var skroppið til Pólands sem er gott land til að heimsækja.Og þeir eru hræddir um börnin sín hér vegna vaxandi haturs. Einn sem ég hef kafað mikið með er einn af þessum sem vill dæma alla undir sama hatt,einn gerir eitthvað og þá er rest af sama þjóðerni eins Vill ekki sjá neina undantekningu frá því sjónamiði og því miður eru margir eins og börnin eru svo alin upp við það. Slæmt mál sem breyta þarf

Jamm

er að hugsa að fá mér eina í stofuna.

Risaeðla til sölu

Maður byrjar á

netflakki um bloggheima og maður endar daginn á bloggheimsnetflakki.....þetta er náttúrulega klikkun

Ekki á hverjum degi

sem maður fær óvænt faðmlag í verslun.En það skeði i dag. Þurfti að fara i verslunarleiðangur eins og gengur og gerist og lenti i biðröð.Á undan mér var maður sem ætlaði að borga hluta af því sem hann var að versla með korti eða reyndar 2ur kortum og rest i peningum.Afgreiðslustúlkan sem var útlend,líklega 99% pólsk með litla íslenskukunnáttu og nær enga enskukunnáttu náði ekki alveg því að strauja bæði kortin,líklega vanari að aðeins eitt væri notað,auk þess að taka við beinhörðum líka og það var eitthvað að rugla hana í ríminu.Og voru þau eitthvað að reyna að vinna úr málinu en ekkert gekk og biðröðin lengdist,svo ég blandaði mér í málið Hún kunni rússnesku ég líka og gegnum hana var málinu reddað og allt gekk upp. Eftir að ég var búinn að fara í gegn og var að yfirgefa svæðið stökk daman nánast i fangið á mér og þakkaði fyrir.(eins gott að kella var ekki með í för hehe)

Endurbættur

gamli nokiasíminn klikkar ekki og komin með myndavél eftir smá breytingu.