Áður fyrr

þegar maður var ungur og sætur,nú er maður bara sætur,þá þýddi föstudagur skemmtun.Áframhald næsta dag með örlitilli þynnku og þarnæsta dag þynnku af óþekktri stærðargráðu.Nú er öldin önnur.Í dag þýðir það vinna og áfram vinna.Allavega aðrahvora helgi.Hin helgin fer svo aðallega í eitthvað allt annað en skemmtanir. Framundan er vikutörn með blandi. Þar sem blandað er dagvakt-kvöldvakt með næturvöktum.Og til stendur hreinsunartiltekt í tilefni jólanna. Að skúra og hreinsa yfir dimmasta tima ársins hef ég aldrei skilið. Finnst betra að gera slíkt i birtu.Og til hvers.Verður orðið jafn óhreint og áður loks þegar hátiðin gengur i garð. Slepp við að vinna aðfangadag en vinn gamlársdag.fæ að vísu að sleppa aðeins fyrr en venjulega og vinn síðan 1 jan. Þetta er komið á hreint.

 

 

Nú fer að

líða að því að fara að skrifa á jólakort og svoleiðis Bara um 40 stk bíða mín þetta árið.Ekki það skemmtilegasta.Þurfa að leita að adressum og póstnúmerum.Að vísu gengur það fljótar fyrir sig nú en það gerði þegar maður hafði bara símaskrána Nú er hægt að nota netið. Lét verða af því að þvo ekki bilinn í dag enda leiðindavindur.Líka það hann fékk sitt bað í gær þó svo það dugði stutt. Heldur nennti ég ekki í djúpu laugina Ágætt að taka smá pásu annars fer að vaxa á manni fit og sporður. Svo algjör afslöppun í dag. Vinnutörn að hefjast svo maður bara safnar orku....

Líst vel

á að vera settur í karlagæslu þegar verslað verður í Hagkaup Verst að engin eðaldrykkur eins og ískaldur bjór verði til boða. En náttúrulega verður maður undir stýri og ekki passar það alveg saman. Litið að ske hérna megin og ekkert busl nema sturtubusl án söngs. Þreif bilinn í gær en hann er orðinn jafn óhreinn í dag og hann var, og ég sem dundaði við hann með sápu og öllu. Tek hann kannski aftur í dag enda ekkert að gera enda í fríi. Á afmæli í næsta mánuði og ein frænkan sem er að læra á fiðlu er búinn að tilkynna að hún ætli að mæta og halda tónleika. Ekki amarlegt það að fá eitt stk Mozart.

Var að fá

hluta reikninganna þennann mánuð.Er með tvö lán í gangi. Annað er venjulegt íslenskt hitt i erlendu og maður sér stórann mun Það íslenska stendur núna í 60 þúsundum í mánaðargreiðslu og fer hækkandi. Hitt hefur ekki hreyfst og er ca 20 þúsund. Greinilega betra að taka í erlendu en í krónum. Maður ætti kannski að svissa hinu íslenska yfir í erlent,kæmi betur út.

Smá busl í

djúpu lauginni í gær eftir að hafa tekið smá þvott á bilinn. Skrapp útí með Indverja sem vildi kafa við íslenskar aðstæður í niðamyrkri og litlu skyggni. Allt gekk eins og átti að ganga. Í kafi heyrum við 100 sinnum betur öll hljóð þar sem hljóð berst hraðar neðansjávar en á landi Á móti getum við kannski i flestum tilvikum ekki fundið út hvaðan það kemur né hve langt er í það. Fór að heyra  söngl allt í einu og eftir smá eftirgrennslan og leit að uppruna kom i ljós að það var sá indverski sem sönglaði í kafi Veit ekki hvort það hefur eitthvað tengst hindúabænum spurði ekki. Og í dag er dagvakt - kvöldvakt í vinnunni. Samt löngu komin á lappir.

Löng helgi

yfirstaðin. Laugardagurinn fór næstum eingöngu í afmælisveislu,eitt 6 ára annað 40 ára En sem betur fer var þetta innan sömu fjölskyldu svo þetta var sameinað á einn stað.Þar var etið yfir sig af bæði mat og kökum. Gærdagurinn var pínurólegri. Fór að mestu í Kringluferð. Kaupa það síðasta fyrir neyslufylleriið sem skellur bráðlega á í næsta mánuði. Ekkert busl þessa helgina í stóru sundlauginni enda veðurfarið á móti öllu slíku.Svo eina vatnið sem ég komst í um helgina kom frá sturtunni. Spilaði netleik aldrei þessu vant um helgina,þann nýjasta í Civilization.Gekk vel í byrjun gerðist síðan gráðugur og var þurrkaður út á endanum. En þó ekki fyrr en ég var búinn að þurrka út fáeina.Í dag er ég enn í fríi.Og eina sem til stendur er að fara í verslunarleiðangur að versla teip og svoleiðis en betra er að hafa slíkt þegar byrjað verður á því leiðindaverki að pakka niður. Sem þýðir BYKO leiðangur. Fæst ekki allt þar ?

Fyrirgefið loks

eftir ca 20 ár.Það var gömul vinkona úr skóla.Sem hafði samband og meðal umræðuefnis sem fram fór á milli var eitt gamalt og gott.Sem var hrekkur dagsins á þeim tíma. Við fórum nefnilega fjögur saman í Stjörnubíó sem þá var til. Á hryllingsmynd.Um leðurblökur sem sóttu í túrista á einhverju fjalli. Á einu réttu augnabliki þar sem spenna var búin að byggjast upp í salnum sló ég á lærið á henni. Henni brá og almannavarnaflautan fór í gang og af því að hún sprakk,sprakk salurinn og þetta var rétt fyrir hlé.Þannig þegar ljósin voru kveikt litu allir eða flestir á upptök öskursins.Hún algjörlega bráðnaði niður í sætinu enda frekar feimin á þessum tíma.Og fyrst núna af því að þetta kom til tals var hún búin að jafna sig á þessu. Við reyndar unnum saman í einum hrekk eftir bíóferðina en það var að eitthvað hlekktist á milli hennar og bróður hennar svo hún vildi hefnd. Og fékk mig í málið.Svo eitt vetrarkvöld plötuðum við kauða í gamla Suðurgötukirkjugarð.Búin vorum við að fá þriðja aðila til að koma sér fyrir á þeim slóðum svo að á ákveðnum tímapunkti stökk sá aðili fram með draugabúi löngu og dimmu Sem hafði það að verkum að bróðirinn fraus algjörlega í byrjun en rauk síðan á ógnahraða stystu leið útúr garðinum.Fannst stuttu seinna pissublautur í Garðastrætinu í hálfgerðu losti. Hefur trúlega verið draugahræddur æ síðan. Reyndar náði hún mér í eitt sinn Bauð í partý svona sjónvarpssnakksvideóglápspartý heima eina helgina Mútta var reyndar heima. Svo hringdi bjallan og hún birtist veifandi vodkaflösku (vorum 12 -13 ára á þessum tíma) sem búið var reyndar að skipta um innihald,innihélt eingöngu vatn. En ég vissi það ekki og allsekki mútta gamla sem gaf mér frekar illt auga heldur betur og ekki bætti betur um þegar daman dró upp smokkabunka þá fór mútta að gefa okkur heldur betur illt auga.En fattaði djókið sem betur fer því annars hefði ekkert orðið af partýinu sem tókst reyndar vel.

Svona var lífið í den......góða helgi

ein góð svona

fyrir Gumma og co.:

Það gerist margt

í henni London ef marka má fréttir dagsins.Hvernig er hægt að hafa kynmök við reiðhjól? Það hefði alveg mátt fylgja hvaða tegund átti í hlut og hvorrt það hefði verið með vilja reiðhjólsins.Ekki nóg með það, annar reyndi svipaðan leik við heila girðingu en var böstaður og kærður.

Og í gærkvöldi var ég að vafra á netinu.Fór t.d. á síðuna Skaparinn.com.Þar á bæ er greinilega sjúkt fyrirbrigði á ferð sem greinilega er þorir ekki að setja nafn sitt undir bullið sem það skrifar.Þekki einn sem er eldheitur nasisti af gömlu gerðinni og það er mikið sagt þegar hann hlær að þessum skrifum á þessari síðu. Hvernig er það annars er ekki hægt að banna svona bullsíður?

Og vegna tæknilegrar bilunar af veðurfarslegu ástandi fer fram engin neðansjávargjörningur í dag enda einnig dagvakt kvöldvakt hjá mér. Heldur ekki á morgun því þá þarf ég að mæta í 2 stk afmæli.Annað 40 hitt 6 ára.Kosturinn er að þetta er innan sömu fjölskyldu svo haldið á sama stað á sama tíma.

Og ég verð greinilega að fara að skanna inn fleiri myndum enda mikil eftirspurn eftir myndum teknum frá heimaplánetunni minni sem er stór djúp og köld (fyrir flesta) og blaut.. 

Farið var á

frekar ókrisnilegum tíma í heimsókn á heimaplánetuna mína eða um kl 0600.Allt gekk eins og í sögu allavega í byrjun. Í niðamyrkri með góð ljós var farið niður á við í Hvalfjarðarmynni.Lentum strax í mikilli ufsatorfu sem ruglaði okkur örlitið í ríminu enda sást ekkert nema silfurlitaðir skrokkar allstaðar sem litið var.Lentum nefnilega í henni miðri.Og slatti af rækjum sótti í ljósin. Fylgdum brekku niður á ca 14 m þá tók við klettabelti niðrá 20 m Þar rákumst við á bilflak gamla Lödu svo ef einhver saknar Lödu þá gæti þetta verið hún. Á uppleið lentum við í einhversskonar sogi sem dró okkur niður á við og eftir smá basl ákvað ég að bara að klifra klettabeltið og var næstum því komin upp á brekkuna þegar félaginn lenti í straumi eða sogi og fer aftur niður á við og grípur í mig af algjörum köfunardólgshætti og togar mig niður með sér.Aftur í klifurham og í það skiptið gekk allt vel. Keyrt svo í bæinn þar sem hann fór í vinnunna en ég í heita sturtu enda í fríi. Er að þamba kakó úr eðal súkkulaði meðan þetta er pikkað inn.