Nýtt ár

byrjaði heldur betur með hörðum árekstri.Ekki þó á bilnum. Eftir nokkuð róleg áramót yfir mat og drykk í faðmi vina og fjölskyldu og eftir að hafa sprengt fáeina flugelda að íslenskum sið,var ákveðið að fara í smá neðansjávarsund. Köfunargræjurnar rifnar úr geymslu og útí bíl.Ekið á köfunarstað og allt gekk vel. Farið í búning og græjur settar á sig og enn allt tíðindarlaust. Svo var farið á bryggjuendann og stokkið framaf. Á síðustu sekúndubrotinu áður en maður skall í NorðurAtlanshafið sem maður hefði haldið að væri nógu stórt fyrir alla sá maður óvænta fyrirstöðu. Annar kafari á uppleið akkúrat á sama haffleti og ég er að fara niður og búmm.Báðir lifðu af og búnaður óskemmdur ef frá er talið fáeinar rispur á kútum. Eftir stutt tékk var áframhald á köfun og tíma eytt í heimi steinbíta og sela. Engin kreppa þar á bæ eða öllufremur þar á botni,þegar botninum var náð..

Gleðilegt ár öll sömul.