Fyrst

leist mér bara þó nokkuð vel á hina svokölluðu feminista. En í dag finnst mér þetta vera alveg nóg.Að banna ungabörnum að klæðast bláu eða bleiku eftir hvort kynið það er finnst mér bull. Á þá ekki að banna konu að klæðast kjól eða pilsi eða karlmanni að vera í jakka með bindi ? Það kynbindur. Allt í lagi að berjast gegn klámvæðinu og ofbeldi en að eltast við eitthvað sem ekki skiptir máli fyrir neinn nema þá róttækar fáeinar persónur sem sjá slæmt í öllum skúmaskotum. Og nú er búið að koma á stofn einhverju öfgaráði sem á að dæma allt og alla.Þetta er kannski spænski rannsóknarrétturinn í nýrri mynd.

Athugasemdir

[Salvör Kristjana Gissurardóttir, 11.12.2007 kl. 20:54]

Ég vil  hvetja þig til að kynna þér starf Femínistafélagsins, sjá http://www.feministinn.is . Þar er margt gott starf unnið. Svo vil ég benda þér á að skoða fréttina sem er núna efst á mbl.is
Kennari dæmdur fyrir kynferðisbrot gegn nemanda

þar er karlmaður sem stofnar til sambands við 13 ára nemanda sinn sleppt  á skilorði af því að hélt því fram að um  gagnkvæmt ástarsamband hafi verið á milli hans og stúlkunnar

það eru því miður bara örfá kynferðistbrotamál sem koma til kasta yfirvalda og oft er það þannig að dómurinn er þannig að sá sem fremur brotið sleppur. Kvennakúgun og ótrúlegt kvenhatur er einkenni á því samfélagi sem við lifum í dag. Skoðaðu dagskrána í eina viku í sjónvarpi og taktu eftir hve mikið er sýnt af myndefni þar sem konur eru pyntaðar og bútaðar sundur.

Þetta er ein ástæðan fyrir því að við erum femínistar. Við viljum berjast og ekki taka þátt í þeirri þöggun sem hilmir yfir ofbeldi gegn konum og börnum. Femínistar berjast á mörgum stöðum og það er ekkert að því að kveikja umræðu um fatnað og hvernig hann endurspeglar valdakerfið.

það er hins vegar mikið að því að þagga niður alvarleg mál eins og kynferðisafbrot gagnvart börnum og ofbeldi gagnvart konum. 

[Ólafur fannberg, 11.12.2007 kl. 21:10]

Að berjast gegn kynferðisbrotum og ofbeldi gegn konum og börnum er þarft mál og allir ættu að vera samtaka í en til hvers að banna barnaföt þó svo það kynbindur er ég ekki alveg á nótunum að skilja

[Jórunn Sigurbergsdóttir , 11.12.2007 kl. 22:41]

Satt hversvegna mega kornabörn ekki vera í bleiku eða bláu.

[Ingunn Jóna Gísladóttir, 11.12.2007 kl. 23:11]

Að berjast gegn kynferðisofbeldi og ofbeldi gegn konum er göfugt og nauðsynlegt verk. En öfgarnir og vitleysan sem veltur út úr feministum þessa dagana er bara orðið argasta rugl og eykur alveg örygglega ekki vinsældir þessa hóps, nema síður sé.

Að banna bleik og blá föt á fæðingardeildinni er fáránlegt, ég get ekki sé að þetta veldur börnunum né foreldrunum mikilli streitu eða vandamálum. Liturinn breytir ekki staðreyndum.

Jafnrétti er eitt og það er greinilegt að Feminismi er eitthvað allt annað.Ég er að breytast í argasta feninista hatara á að hlusta á og lesa allt ruglið sem veltur út úr þeim. Kær kveðja Ingunn 

[Kristberg Snjólfsson, 12.12.2007 kl. 08:29]

Það lýtur einna helst út að þetta séu bitrar reiðar konur. Held að þær ættu frekar að snúa sér að lokuðum saumaklúbb, en að vera með svona bull.

[Solla Guðjóns, 12.12.2007 kl. 14:17]

Öllu má nú ofgera og er þetta eitt af því.......sattbest að segja finst mér þetta fáránlegt.....bara dööööö skil ekki og þá er ég að tala um fötin.

[Kristín Katla Árnadóttir, 12.12.2007 kl. 16:20]

Mér finnst persónulega að telpur eiga vera í bleiku og drengir í bláu.

[Hulda Dagmar Magnúsdóttir, 12.12.2007 kl. 23:04]

Tja mér fannst ágætt á vökudeildinni hér áður fyrr að vita að minn pakki þar var bleikur.... það þrengdi hringinn 

[Aðalheiður Friðriksd. Jensen, 13.12.2007 kl. 10:41]

Þetta er nú meyra ruglið verð bar að segja það , set dóttir mína bara í kjól og bleikan þess venga ef mér sýnist svo . Eigðu góða aðventu vinur og farðu verlega .

knús og klemm

[Vatnsberi Margrét, 13.12.2007 kl. 11:55]

Rugl og tímasóun að þrátta um föt nýbura á sjálfu alþingi í stað þess að td fara fram á hertari dóm fyrir barnaníð og ofbeldi geng konum. Eiða orkunni í mál sem vert er að breyta ekki sóa þessu í rugl.

[www.zordis.com, 13.12.2007 kl. 23:21]

Hvítt er ungbarnaliturinn ... fagur draumalitur og þegar andinn kemur með hvít skilaboð þá er leyndamál á ferðinni.  Við erum persónur fyrst og fremst!

Var ekki kona í BNA dæmd í fangelsi fyrir að hafa átt í ástarsambandi við dreng, þegar hún losnaði gengu þau í það heilaga þar sem hann var komin með lögaldur.

Það ætti að dæma harðar í málum þar sem börn eru annars vegar!  Hélt kennarinn virkilega að 13 ára gamalt barn væri fullorðin kona með þroskaða skoðun á því sem viðkemur tilfinningasambandi.  Ég er ekki búin að kynna mér þetta sérstaka mál.

Kafarajólakúlukveðjur!

[DoctorE (IP-tala skráð) 14.12.2007 kl. 11:15]

Ruglukollar eru búnir að rústa kvennabaráttunni, kynkaldar kerlingar sem hata karla vaða uppi og allir löngu búnir að missa alla trú á femínista