plánetan jörð og ég

Föstudagur, 23. nóvember 2007

Fyrirgefið loks

eftir ca 20 ár.Það var gömul vinkona úr skóla.Sem hafði samband og meðal umræðuefnis sem fram fór á milli var eitt gamalt og gott.Sem var hrekkur dagsins á þeim tíma. Við fórum nefnilega fjögur saman í Stjörnubíó sem þá var til. Á hryllingsmynd.Um leðurblökur sem sóttu í túrista á einhverju fjalli. Á einu réttu augnabliki þar sem spenna var búin að byggjast upp í salnum sló ég á lærið á henni. Henni brá og almannavarnaflautan fór í gang og af því að hún sprakk,sprakk salurinn og þetta var rétt fyrir hlé.Þannig þegar ljósin voru kveikt litu allir eða flestir á upptök öskursins.Hún algjörlega bráðnaði niður í sætinu enda frekar feimin á þessum tíma.Og fyrst núna af því að þetta kom til tals var hún búin að jafna sig á þessu. Við reyndar unnum saman í einum hrekk eftir bíóferðina en það var að eitthvað hlekktist á milli hennar og bróður hennar svo hún vildi hefnd. Og fékk mig í málið.Svo eitt vetrarkvöld plötuðum við kauða í gamla Suðurgötukirkjugarð.Búin vorum við að fá þriðja aðila til að koma sér fyrir á þeim slóðum svo að á ákveðnum tímapunkti stökk sá aðili fram með draugabúi löngu og dimmu Sem hafði það að verkum að bróðirinn fraus algjörlega í byrjun en rauk síðan á ógnahraða stystu leið útúr garðinum.Fannst stuttu seinna pissublautur í Garðastrætinu í hálfgerðu losti. Hefur trúlega verið draugahræddur æ síðan. Reyndar náði hún mér í eitt sinn Bauð í partý svona sjónvarpssnakksvideóglápspartý heima eina helgina Mútta var reyndar heima. Svo hringdi bjallan og hún birtist veifandi vodkaflösku (vorum 12 -13 ára á þessum tíma) sem búið var reyndar að skipta um innihald,innihélt eingöngu vatn. En ég vissi það ekki og allsekki mútta gamla sem gaf mér frekar illt auga heldur betur og ekki bætti betur um þegar daman dró upp smokkabunka þá fór mútta að gefa okkur heldur betur illt auga.En fattaði djókið sem betur fer því annars hefði ekkert orðið af partýinu sem tókst reyndar vel.

Svona var lífið í den......góða helgi

Flokkur: Bloggar | Breytt 26.11.2007 kl. 08:26 | Facebook

Athugasemdir

snemma hefurðu byrjað

Kristberg Snjólfsson, 23.11.2007 kl. 22:39

djíssss var komin að bíómyndinni í lestrinum og jemundur minn... flashback! Hélt í örstutta stund að þarna væri hrekkjusvínið komið sem lét mig og 3 vinkonur mínar æra heilan bíósal þannig að það lá við að þakið lyftist af húsinu!!

Sá svo að þetta var önnur mynd og andaði léttara

Ég nefnilega fór á eina hryllings/spennumynd fyrir möööörgum árum síðan með vinkonum mínum... Myndin hét "He knows you are alone" og fjallaði um mann sem sturlaðist þegar brúður hans var myrt á brúðkaupsdaginn og byrjaði að myrða aðrar tilvonandi brúðir. Í einu atriðinu er hann að elta stelpu sem álpast inn í líkhús... hleypur þar um og kemst loksins inn í eitthvað herbergi, hallar sér að hurðinni.... á hurðinni er lítill gluggi og dúmm dúmm dúmm... (allir vissu náttúrulega hvað myndi ske, hönd kæmi inn um gluggann)

Fyrir aftan okkur vinkonurnar sátu 4 strákar sem höfðu verið að spjalla við okkur í hléinu á undan. Spennan magnast... stúlkan hallar sér að hurðinni og við vinkonurnar biðjum í hljóði.... "passaðu þig á glugganum... passaðu þig á glugganum"... Í gegnum gluggan kemur höndin og grípur um háls stúlkunnar.... Í sama augnabliki taka helvvv strákarnir föstum tökum um axlirnar á okkur vinkonunum og þú getur rétt ímyndað þér ÖSKRIN!!!!

Ég held svei mér þá að þakið hafi lyfst þegar allur salurinn tók undir því það brá náttúrulega öllum alveg skelfilega við þessi ógnaröskur í okkur!!

Saumakonan, 24.11.2007 kl. 00:06

Þú virðist hafa ansi gaman af því að vera smá púki. Sumar mæður í dag hefðu nú bara hringt á barnaverndarnefnd ef 12-13 ára gömul stúlka hefði mætt inn á heimilið með vodkaflösku og smokkapakka. Stríðni var og verður alltaf við líði og er bara nauðsynleg að mínu mati, en margir foreldrar í dag ljúga því að sínum börnum að svona var ekki gert í gamla daga. Þetta er bara æðislegur húmor. Góða helgi Ingunn