plánetan jörð og ég

Föstudagur, 7. september 2007

Pólland vika 2.

Fyrsti dagur annarrar viku í landi Pólverja fór i skoðunarferð í stærsta kastala Evrópu sem er hlaðinn múrsteinum. Um 2 og hálfa klst tók að fara skoðunarferðina um kastalann sem var þýskur í byrjun en svo tók konungur Pólands hann yfir vegna skulda riddara þeirra sem byggðu hann. Þar sló ég met sem búið var að standa í 4 ár. Fólgst það í því að klæðast klæðnaði að hætti miðaldarriddara með tilheyrandi vopnum og hlaupa svo frá síkisbrú inn í kastalann uppá þriðju hæð gegnum litla þrönga hurð sem var byggð fyrir fólk 1,50 á hæð og þaðan uppá hæsta turninn Sækja þar fána og niður aftur Metið var 28 mín sléttar En þegar ég kom aftur niður lafmóður og másandi eins og trukkur með fánaskrattann í eftirdragi var tíminn 21,72 nýtt met. Tveir næstu dagar fóru svo í það að taka þátt í Napóleonstyrjöld en hann er i miklu uppiáhaldi í Póllandi Fyrri daginn var ég yfir fallbyssuliði með 11 fallbyssur. Fékk skipun á pólsku að staðsetja þær á 2ur smáhæðum Reyndar setti ég hluta þeirra á kolvitlausum stað og beindi þeim til hliðar enda ekkert sterkur í máli innfæddra. Seinna í orrustunni kom það sér reyndar vel því prússar sendu riddaralið í hliðarárás beint á móti fallbyssunum sem ég hafði staðsett ranglega í upphafi Aðra stundina var ég semsagt skúrkurinn sem var næstum búinn að klúðra orrustunni hina stundina hetja dagsins. Næsta dag var önnur orrusta sett á svið. Þá var ég kominn í fótgöngulið Frakka. Þrammað var í byrjun í 30 stiga hita og dúnalogni 40 km leið í fullri múnderingu þess tima Leið yfir nokkra á leiðinni Ég kláraði 3 vatnsflöskur á leiðinni. Svo var stillt upp og síðan þrammað á móti fallstykkjum Breta og fótgönguliði. Framhlaðningar eru erfiðir í notkun,komst i raun um það Að skjóta og kafna næstum í eigin púðurreyk var auðvelt en að hlaða aftur var annað mál. Setja púður hamp og kúlu á met tíma var ekki fyrir mig. Tók óratíma að hlaða en sumir voru reyndar komnir á lag með það að hlaða og skjóta 3-4 kúlum á örfáum mínútum. En ekki ég. Rest af dvöl minni í Póllandi var svo eytt í Susz þorpinu sem við dvöldum í. Við spil drykkju át og innkaup. Svo var haldið til Gdansk og vél þaðan tekin til Danaveldis Þaðan var svo haldið áfram til lands krókódílanna.

Flokkur: Bloggar | Breytt s.d. kl. 17:59 | Facebook