plánetan jörð og ég

Þriðjudagur, 8. maí 2007

Það

er greinilegt að sumarið er komið hér á höfuðborgarsvæðinu.Og þrátt fyrir frí í vinnunni er ég löngu komin á fætur. Stefni á það takmark að bóna eðaldrekann í dag og koma grillinu í gagnið. Semsagt sumarverk.

Fór á smá pöbbarölt með gömlum félögum úr köfuninni sem reyndar eru hættir að svamla í stóru lauginni.Rifjaðar voru upp ferðir hér áður fyrr. Til dæmis ein úr félagsferð til Vestmannaeyja. Í einni ferðinni þar fyrir langalöngu þá lentum við nokkur í sterkum yfirborðsstraumi svo við fórum á flakk.Ég hafði breta sem köfunarfélaga kvenkyns. Gúmmibátur var sendur af stað til að ná í flökkukindurnar og var engin að eyða tíma i að klifra um borð heldur hangið utaná Svo ég náði gripi með annari hendinni en tosaði i bretann með hinni þannig að báturinn togaði mig ég togaði í þá bresku Rétt áður en við komum í hlutlausann sjó fann ég að ég var að missa takið svo ég sleppti þeirri bresku til að ég gæti hangið á bátnum Síðast sást til ferðar þeirrar bresku að hún stefndi hraðbyri í átt að Surtsey. Nei nei hún var sótt eftir að okkur var skilað um borð í köfunarbátanna.En hún var móðguð út í mig fyrir að hafa fórnað sér að það sem eftir var helgar talaði hún bara ekkert við mig.

Sko þessir Bretar.....

Flokkur: Bloggar | Facebook

Athugasemdir

ha.. er hægt að fara á pöbbarölt enn? Hélt að maður þyrfti að borga múltífjár til að komast inná staðina nú til dags.... en hvað veit ég... fer aldrei á djammið *dæs*

Já og svo skil ég hana vel að verða fúl!!!

Saumakonan, 8.5.2007 kl. 08:55

Smá tillaga fyrir þig þar sem að þú ert bara auðnuleysingi í dag Sko þú kemur hingað og bónar bílana mína getur svo tekið hjólhýsið og græjað það, ertu ekki til í það fyrir mig

Kristberg Snjólfsson, 8.5.2007 kl. 08:58

hehehe bara þrælahald í gangi2 bilar +minn +hjólhýsi ekkert mál redda því léttilega heheheh.

Ólafur fannberg, 8.5.2007 kl. 09:11

náttúrulega mest um vert að koma grillinu í gagnið ...skil reindar ekki af hverju fólk grillar ekki á veturna eins og ég , ekkert að því að grilla allt árið ummm

Margrét M, 8.5.2007 kl. 10:33