Ætla að

byrja á því að svara spurningunum sem ég fékk í síðustu færslu.Málverkið er eftir Hjörleif og klæðaburður minn er vegna þess að ég var að leika í skólaleikriti sem konungur.

Gærdagurinn fór í smábusl í gjánni Silfru áður en það var farin verslunarleiðangur í Elkó Rúmfatalagerinn og Hagkaup Mestur tíminn fór þó í að vera fastur í traffik.Heimsókn farin til tveggja frænkna sem notuðu tækifærið og buðu í mat eftir að hafa lofað öllu fögru um að vera hlýðnar og góðar  það sem eftir væri árs Pabbinn tók því nú léttilega enda kom á daginn að seinna um kvöldið var búið að brjóta alla samninga. Farið í háttinn um kl 0300 e.m vaknað 0800 og lúrað til hádegis. 

Fríhelgi framundan

eða það hélt ég þar til ein litil frænka plantaði sér við símann og lét í sér heyra.Búinn að skipulegga morgundaginn Fara í verslunarleiðangur að skoða og kaupa,undirbúningur fyrir komandi jól.Reyndar var mamman búin að planleggja dagsskrá en litli bróðir veiktist svo hún datt út en frænkan var ekki á þeim buxunum að hætta neitt við og athugaði málið reiknaði út að þetta væri fríhelgi og málinu reddað. Að vísu ætla ég samt að henda mér framaf í Silfrugjá. Hún er alveg sátt að fá eitt stk ökuferð út á land fyrir Kringlu-Smáraferð.Kellan ætlar meir að segja að skella sér með sko ekki oní gjána en með í ökuferð. Og dýra verslunarferð. Þar sem þetta stendur fyrir kemur hér ein auka létt spurning.Hvaða gaukur er þetta.??

  Góða helgi

ein myndagáta

af tilefni þess að ég er á stuttri vakt i dag og það er föstudagur eða flöskudagur fyrir suma,auk þess að stutt er í helgina Þessi er létt: Hver var þessi:

Hvernig er það

á ekki að vera með handfrjálsann búnað ??

Vaknaður um

kl 0600 þrátt fyrir frídag. Kannski vegna þess að ég sofnaði snemma í gær samkvæmt mínum mælikvarða eða uppúr miðnætti eða þannig.Enda var ekkert varið á neinni sjónvarpsstöð sem hefði haldið mér vakandi lengur. Ekkert liggur fyrir annað en það að sá sem keypti af mér íbúðina ætlar loks að koma að skoða enda kominn til landsins.Og seljandinn að þeirri sem ég er að kaupa fer bráðlega út svo hann hafði samband til að athuga hvort ég væri til i  að flýta ferlinu. Annars er það í höndum fasteignasölunar að ákveða kaupsamningsundirritun.

Og dagspurningingin er að þessu sinni Hver var þessi gaukur:

041107

Svaf í einum dúr til kl 1600.Farið í frænkuheimsókn þar sem reyndar allar þrjár voru samankomnar.Ein sú yngsta hafði dundað sér að búa til hring úr smáskeljum og vildi endilega gefa mér sem ég náttúrulega þáði. Svo skiptust þær á að mata mig með nammi og ís enda nammidagur/kvöld. Dútlaði pínu við köfunargræjurnar stillti og pússaði og yfirfór slöngur og loftkerfi Betra að hafa græjurnar í lagi.Mætti svo á næturvakt þá síðustu í þessu holli jibbí.Svo verð ég bara að segja að hinn 3000 ára gamli Tut lítur bara þokkalega út eftir allann þennann árafjölda.

 

Ekkert að ske á

næstsíðustu næturvakt. Greiddi reikninganna alla í dag öllufremur í gær laugardag.Ætlaði samt ekki að nenna eftir næturvakt en maður verður víst að greiða reikninganna. Lenti í engri biðröð,var annar í röðinni.Gerði ekkert af mér eftir það annað en að lúra pínu yfir imbakassanum og hélt svo áfram að sofa.Annars sofið óvenjumikið eftir síðustu vakt því yfirleitt þarf ég ekki meir en 2-3 tíma en nú fór megnið af deginum í svefnheima. Ætla að vera þurr fram að næstu helgi en þá á ég frí Þá á ég við þurr útvortis.Eða með öðrum orðum,ætla að yfirfara allann köfunarbúnaðinn laga og stilla og gera klárt fyrir helgina ef ske skyldi að maður færi í kaf. Annars er þessi lægðaumferð að gera það að verkum að ekkert er hægt að kafa Nema á Þingvöllum sem aldrei svíkur hvernig sem veðrið er.

Góða helgi (það sem eftir er af henni)

Þriðju

næturvakt senn að ljúka á laugardagsmorgni.Og tvær eftir.Veður ágætt en kalt.Kella ánægð í nýju vinnunni og vill fara að byrja á því leiðilega verki að pakka niður húsbúnaði svona smásaman. Eitt það leiðilegasta sem til er í heimi en samt nauðsynlegur fylgipakki flutninga.

Dagurinn í dag

fór eftir vinnu eiginlega í ekki neitt. Þurfti aðeins að skreppa í Árbæinn fór úr ágætu veðri í vesturbænum í hávaðarok og rigningu í árbænum. Farið til baka og svo uppí breiðholt þar sem bara var rigning.En lenti í staðinn í mikilli bílatraffik alla leiðina. Þaðan beint á vakt.Frestaði þeirri aðgerð að borga reikninga til morguns Kannski minni bankaumferð á morgun. Búinn að skrifa undir köfunarsamning og endursenda út. Svo það mál er í höfn. Kaupsamningur á næsta leiti og eitt það leiðilegasta,að pakka niður og afpakka svo aftur. En það er bara eitt af því sem er fylgifiskur íbúðaskipta. Og alltaf er sama góða veðrið á skerinu rigning og rok. Bið að heilsa að sinni.

Fékk

þykkann póst í dag. Það var ekki eingöngu íbúðarkaup í gangi í dag heldur líka kom þykkur pakki með póstinum Samningur var það uppá 40 síður. Um tryggingar, laun, vinnu,sýningarrétt og greiðslur í sambandi við það.Þetta var í sambandi við þennan væntanlega köfunarleiðangur í sumar næskomandi.Í sambandi við þennan kafbátaleitarleiðangur sem mig minnir að ég var aðeins búinn að nefna áður.Eiginlega er sjálfur samningurinn ekki nema 11-12 bls rest er lögfræðiseitthvað.....Þetta er vegna þess að sjálft Discovery channel ætlar að vera með og filma allt batteríið.Að sjálfsögðu skrifar maður undir enda frí ferð og uppihald.Semsagt eins og einhver sagði,miklar breytingar framundan og um að gera að bara njóta þess..Mættur á næturvakt svo sofið vel og engar hrotur og læti.