Nýji heiti

kaldi potturinn sem verið var að taka í gagnið.

Mikið að gerast

þessa helgina.Netið þagnaði eða öllu fremur tölvan fór í skít,hrundi með öllu saman. Og engin tími fyrir lagfæringu. Laugardagurinn fór í Kringluferð þar sem billinn var sniffaður Löggan mætti með hund til að lykta af bilunum þar á meðal mínum.Nýkominn úr heimsókn þar sem ég aðstoðaði við að bera opinn 25 kg poka með hundamat.Og hvutti var fljótur að renna á þá lykt. Um kvöldið var síðan smá afmæliskaffiboð með mat og kökum Allar mættu þær frænkurnar hressar i skapi. Sunnudagurinn fór í aðra Kringluferð til að byrja með en síðan í heimsókn þar sem 2 frænkur biðu.Skutlaði þeim til þeirrar þriðju.Þar aðstoðaði ég við uppsetningu á nýjum imbakassa.Frænkan þar var eitthvað súr yfir því að ég væri búinn að vera lengur með hinum frænkunum yfir daginn en henni. Vildi fá jafnan tíma eða þannig. Dútlaði pínu í tölvunni svo staðan í dag er allt komið í lag nema netið og hljóðið. Byrjaði aðeins á innpökkun fyrir flutninganna á næsta ári.

Í

heimsókn hjá Steina frænda.Sem er skapstyggur mjög og vel tenntur miðað við aldur....

 

Þessi á

Skaganum sýndi það og sannaði að þó hátækniöryggistækni á í hlut er alltaf hægt að komast inn. Minnti mig á þegar ég var yngri (14 ára) og frændi minn sem þá var 17 kom mér í klandur. Hann hafði í mínu nafni fyllt út inngöngubeiðni,miða sem fylgði einhverju erlendu blaði Þá var ekki internetið komið til skjalanna. Semsagt hann sendi það á mínu nafni og einhverjum vikum seinna fæ ég póst að utan. Utaná var skjaldamerki USA. Innihaldið var tilkynning um hvar og hvenær ég ætti að mæta til að fá þjálfun í sjóher Bandarikjanna Einnig kom fram að ef ekki yrði mætt á réttum tíma yrði litið á það sem liðhlaup.Frændinn hafði semsagt sent inngöngubeiðni í sjóherinn og logið um aldur og ríkisborgararétt. Sagði að ég væri bandariskur rikisborgari búsettur erlendis. Náttúrulega fór ég ekkert eftir fyrirmælum. Hálfur mánuður leið Þá birtist herlögreglumenn heima og átti þá að sækja liðhlaupann.En vegna aldurs var málið fellt niður þó ekki fyrr en eftir smáþóf að hætti USA. Frændinn fékk skammir.

Skellti mér

í bað ég meina sund,ég meina í kaf milli vakta.Meira að segja tvær.Með kengúruástralanum sem ekki gat beðið með að fara í Silfru á Þingvöllum Fórum hina venjulegu rúntferð fram og til baka með stuttri viðkomu á 43 m dýpi. Dóluðum þetta til baka eftir gjánni Einhver henti tíkalli á meðan við vorum í gjánni rétt við veginn.Tekin upp og eigandinn fékk að henda honum aftur útí. Síðan var haldið í Davíðsgjá í sjálfu vatninu og dóluðum þar á ca 12-15 m dýpi og fylgdum sprungu sem þar er þó nokkuð útí vatnið. Ástralinn lifði þetta af enda í þurrbúningi og skráður botntími 47 mín í fyrri ferð en  50 mín í seinni. Reyna á að slá met í næturköfun í þessari viku en auðvitað kemst ég ekki því á sama tíma er ég á vakt. Vinn það upp bara í sumar þegar maður kemur upp hlaðinn stolnu þýsku gulli þriðja ríkisins. Náði mér í sekt í dag frá stöðumælaverði.Borgaði i mælinn en var aðeins víst lengur en tíminn á mælirnum. Rassskelli vörð no 30 næst þegar ég sé hann.    

Búinn að

finna út þetta með gæludýrið Fæ mér bara eitt stk geitungabú og el það upp fyrir sumarið......

Er að spá í

að fá mér eitt stk gæludýr en veit ekki hvaða,þar sem krókódílar eru bannaðir sem slíkir,og heila sundlaug þyrfti að byggja fyrir hákarlinn Og ekkert pláss væri fyrir stóra kolkrabbann nema byggja heilan kofa í garðinum Þá þyrfti leyfi nágranna og yfirvalda.Hundar þurfa leyfi kettir líka svo á endanum sit ég bara uppi með kellu...

Mættur á næturvakt

eftir rólegan afmælisdag.Ætla að byrja á því að þakka fyrir allar afmælisóskirnar já og nettertuna frá Guðmundi. Sem verður í næsta nágrenni við mig eftir áramótin eftir búferlaflutninganna. Dagurinn fór í að bankastússast Fór í bankann þar sem afgreiðslustúlkan kom mér til að vandræðast Nefnilega þegar hún renndi kortinu kom víst á skjáinn að ég væri fæddur þennan  dag. Svo hún lét í sér heyra og tilkynnti hátt og snjallt að ég ætti afmæli Sem betur fer var fámennt á þeirri stundu inni en samt.....Fór svo í Kringlunna í jólakapphlaupið,er reyndar búinn að kaupa allt nema eina sem ekkert liggur á því ég er búinn að ákveða hvað það skal vera Það er ..........leyndó en sem komið er. Ekki fór ég í kaf í dag.Aðstoðaði frænku litlu með heimaverkefni sem hún átti að gera en það endaði með að ég gerði 80% af því meðan hún þambaði kakóið sem ég átti að fá. Ójöfn skipti þar. Blautgallaástralinn er búinn að jafna sig á kuldakastinu og hefur reddað sér þurrgalla og er tilbúinn í Silfruköfun á föstudaginn n.k. Þá verð ég komin í frí og líklega runnið af honum hehehe. Hann gleymir seint kuldaköfunni um daginn.

Semsagt svona var dagurinn 4 tólfti 2007.

Vaknaði

örsnemma til að skutla kellu i vinnunna.Sjálfur þarf ég ekki að mæta fyrr en i kvöld á næturvakt.Bankaferð í dag að borga reikninga í stað köfunar.Myndi miklu frekar vilja köfun en maður verður víst að borga reikninganna annars verður bankinn í fýlustandi. Rigning þessa stundina snjór hina.Hringt var að utan í nótt og þá leit ég út og allt var hvítt Síðan er ég vaknaði var allt blautt en í Árbænum þar sem kella starfar var allt hvítt að sjá enda hærra uppi þar. Samtalið að utan var staðfesting á Ítaliuköfuninni næsta sumar Þó ekki neinar dagsetningar heldur bara það að ferðin verður farin,búið að ganga frá öllum leyfum og tryggingum.Dagsetningar koma ekki strax. Öll ferð +gisting og fæði verða greidd En annað greiðum við sjálfir/sjálfar.Flottheit.

Stakk

stórutánni aðeins útí í styrstu köfunarferð ævinar.Sem tók ekki nema rúmlega 2 mínútur. Hálftíma keysla,ca 20 mín í að koma sér í gallann (var nefnilega í þurrgalla og kafa alltaf í þurrgalla)Buddyinn Ástrali nokkur mætti gallvarskur í semdidry blautgalla sem sómar sér vel við hitastigið sem rikir þar suðurfrá En hér á norðurhjara......en engu tauti var við hann komið svo ég ákvað að láta hann bara prófa. Gæjinn mætti brúnn og svalur í sínum blautgalla,skellti sér útí og í kaf og þaut brátt upp á hljóðhraða synti sem brjálaður,reif sig úr gallanum og stökk fimlega inní bíl Og kvartaði síðan undan íslensku frosti sem var ekki nema rúm -3stig. Skráð köfun 2 mínútur og mesta dýpi rúmlega 7 metrar. Skilaði honum síðan skjálfandi á dvalarstað hans en hélt svo til vinnu.