Blá mynd úr

henni Silfru Vona að feministar misskilji þessa ekki......

Verð barasta

að segja það að, það er dálitið undarlegt að vera að hlusta á jólalög sem er um snjó og kulda,en á meðan veður maður elginn í rigningu og hlýjindum ásamt miklum skammti af golu. Þetta verða rauð jól í ár.

Enn er ég hér

Engin sveit frá mister Bush hefur komið og sótt mig þó svo ég hafði púkast við einn af starfsmönnum hans. Þetta er bara lélegt af honum. Samkvæmt öllum útreikningum ætti ég að vera komin í frítt húsnæði og fæði á leynilegum stað en greinilega hafa útreikningar eitthvað klikkað.

Reyndar var þetta ekkert miðað við hrekkinn sem við fáeinir klikkaðir kafarar gerðum þarna um árið þegar nokkur Nato skip komu í kurteisisheimsókn þar á meðal 3 frá USA. Að næturlægi var kafað út á ytri höfnina þar sem kaninn lá við akkeri. Meðferðis var uppblásin brúða sem við festum samviskulega á akkeriskeðju eins skipsins ásamt pappaspjaldi þar sem á stóð :Kveðja frá Al kæída. Því miður næsta dag gátum við ekki séð viðbrögð áhafnar þegar þeir drógu upp festarnar.Hefði alveg viljað sjá það.

Boðið i veislu

þetta var svona betra boð.Allir spariklæddir.Fatnaður sem ég klæðist 2-3 á ári,er meira fyrir gallabuxurnar og tbolinn. Meðal gesta voru fáeinir sendiráðsmenn og þar af einhverjir frá hinu bandariska Einn afþeim fór að tala við mig. Spurði mig hvað ég væri að starfa og á sömu stundu kom púkinn uppí mér. Svaraði að ég væri að safna saman liðsmönnum fyrir Bin Laden. Þeir sem með mér voru tóku anköf og litu flóttalega til dyranna,bjuggust við þrælvopnaðari víkingarsveit hvað úr hverju,sem myndi ryðjast inn með látum. Og næsti viðverustaður leynilegt fangelsi einhverstaðar á óþekktu landsvæði. En ekkert af þessu skeði Kaninn tók þessu sem gríni.Kannski sem betur fer Og í dag engin lögga engin þungvopnuð víkingasveit svo allt er i góðu.

Fór líka í annað matarboð í Perlunnar i boði vinnunnar í hávaðaroki og bullandi rigningu Hámaði i mig hangikjöti laxi og saklausu dádýri.Drakk jólaöl með að hætti víkinga..... 

Loks tími fyrir

smá blogg. Búinn að hafa nóg fyrir stafni.Jólagjafarstúss,innbúsniðurpökkun og að reyna að komast i gegnum geymsluna hefur verið forgangsefni þessa stundina Semsagt ekkert spennandi (nema kannski jólastússið) .Tók uppá því að spila Civilzation við eina frænkuna.Gekk vel í byrjun, lagði undir mig alla Evrópu en svo fór að halla undan fæti og sú stutta gjörsigraði mig á endanum.Netið hrökk í samband aftur eftir að ég henti út Windowskerfinu og setti upp annann vafra Má segja að tölvuskrattinn gangi betur eftir það verk. Frænkurnar bökuðu saman um helgina,vildu mig til að aðstoða en ég kom mér undan þeirri skyldu.Vildi ekki eiga bruna á saklausum kökum á samviskunni.Bakstur er eitt af því sem í 99% tilvika gengur ekki upp hjá mér. Nema ef um vöfflur er að ræða.

Þar sem úti

er veður vont og ekkert köfunarhæft rifjaði ég það þó upp að ég hef reyndar kafað i svona veðri.Það var ógleymanlegt. Það var á þeim tíma þegar fiskeldi var í straumsvíkinni. Var reyndar að læra köfun þá.Mætti í tíma en þá hafði veðrið versnað heldur betur og kennaranum leist ekkert á að fara útí. Eigandi fiskeldisins var komin á staðinn en vegna veðurs þorði hann ekki að fara á smábát út að fiskeldinu. Á endanum fór það svo að kennarinn öllu vanur og ég byrjandinn fórum útí og köfuðum þangað sem fiskeldið var því ekki var hægt að synda á yfirborði vegna ölduláta. Þurftum þó að fara uppá yfirborð þegar á áfangastað var komið til að koma böndum sem losnað höfðu niðrá botn aftur á stólpa sem þar voru Neðansjávar var þetta upp og niður og svo snögglega til hliðar ferð Undiraldan skaut okkur i allar áttir Skyggni ekkert og nýdrukkið kaffi leitaði uppleiðar ásamt matarleifum síðustu máltíða. Þannig að það var ælt,þotið til hliðanna hringsnúist kastast upp og niður,sannkallaður neðansjávarrússibani en fiskeldinu björguðum við. Góð reynsla í köfunarnáminu sem kom sér vel í seinni köfunum.

En

liggur nettenging niðri heimavið en allt annað er svona komið inn aftur Þessvegna hefur verið þögn í tvo daga Frí i vinnunni. Þetta er farið að vera ekki litið pirrandi. Og heldur ekki köfunarhæft veður.Svo jólapakkainnpakkanir,jólakortaundirskriftir plús innbúsniðurpökkun er það sem á hefur dunið í netleysinu. Kosturinn þó við innbúspökkun er það að maður fær tækifæri að henda helling eða koma hlutum sem maður notar ekkert loks í kassa sem fara beinustu kompásstefnu beint i geymslu. 'Á frí um helgina aðra helgina i röð sem sjaldan skeður og ætla þá að einblína á að netvæðast á ný. Á meðan segi ég bara

Lifið heil í góða hvassa blauta veðufarinu sem ríkir nú...

Fyrst

leist mér bara þó nokkuð vel á hina svokölluðu feminista. En í dag finnst mér þetta vera alveg nóg.Að banna ungabörnum að klæðast bláu eða bleiku eftir hvort kynið það er finnst mér bull. Á þá ekki að banna konu að klæðast kjól eða pilsi eða karlmanni að vera í jakka með bindi ? Það kynbindur. Allt í lagi að berjast gegn klámvæðinu og ofbeldi en að eltast við eitthvað sem ekki skiptir máli fyrir neinn nema þá róttækar fáeinar persónur sem sjá slæmt í öllum skúmaskotum. Og nú er búið að koma á stofn einhverju öfgaráði sem á að dæma allt og alla.Þetta er kannski spænski rannsóknarrétturinn í nýrri mynd.

Nú er

ein af frænkunum búinn að grafa það upp, að ég hafði eitt sinn fyrir langa löngu, á síðustu öld stundað sport það sem kallast skylmingar. Var eitthvað að aðstoða við eitthvað niðri geymslu og rak þá augun í grímu hanska og tvö sverð. Og fékk þær upplýsingar að ég hefði æft skylmingar.Nema það að nú er hún ólm í að fara eftir jól og áramót, að æfa og ekki bara það heldur ætlar hún að draga eða allavega reyna að fiska mig með sér til að æfa líka. Það þýðir að ég þarf að fara að koma mér í Zorrofílinginn eftir allt konfekt og matveisluátið sem verður um hátíðirnar. Allavega góð brennsla.

 Þannig að ef einhver sér einhvern með Zorrogrímu og sverð sveiflandi sér á milli húsþaka þá verður það líklega bara ég....

Útlit fyrir

þurrlendisdvöl næstu 2 daga vegna veðurs.Akkúrat þegar ég á frí þessa daga þá herra veðurguð að vera eitthvað á móti mér og sjá til þess að ég haldi mér á þurru landi (og pakki niður búslóð) Gæti svosem bjargað því með því að mæta í öllu köfunarsettinu í sturtuna. Eða treð mér oní fiskitjörnina hans Guðmundar bloggvinar og ligg þar í bleyti.

  Eða maður eyði kannski svosem einum degi í að koma netinu i lag svo maður geti nú bloggað heimavið. Sjái svo til með hinn daginn.....