Ekki fór svo

að farið yrði á botn Atlansála eins og stefnt var á eftir vinnuvakt.Þurfti að taka smá aukatíma í vinnunni. Svo þegar heim kom var ekkert gert nema netið og beddinn. Og beint í það að sækja kellu úr vinnu og verslunarleiðangur í framhaldi af því. Það er nefnilega alltaf gaman að versla inn á 64% hærra verði en aðrir Evrópubúar. Við erum i Evrópu er það ekki annars??

 

Ein búin önnur

í startholunum og ein eftir. Næturvaktir my favorite eða þannig. Ætlaði að gera svo margt eftir vakt i morgun en gerði svo ekki neitt. Kominn með glænýjan sima sem virkar vel. Hinn sá gamli heldur áfram að flippa út eins og hann sé andsetinn eða eitthvað. Stefni á hafsbotnaferð eftir þessa vaktina sem stendur yfir. Þar að segja ef ég sofni ekki áður. Nældi mér í dvöl í sumarbústað í sumar. Og náttúrulega var frænkustóðið fljótt að grípa í það að fá að koma með. Er einnig að spá í utanlandsferð svona aukaferð. Er að fara í köfunarleiðangur við Ítaliustrendur en það verður bara vika svo....önnur vika einhverstaðar annarsstaðar,spurning bara hvar Spánn hefur komið til tals,París og Tyrkland kemur sterklega inn Allt saman kemur til greina en aðeins einn verður fyrir valinu.Einhverjar hugmyndir?

Nýji

síminn minn :

  númerið er 770.....

Náði að hrekkja

einn i morgun sem átti frí og sefur þá alltaf frameftir. Nema í morgun hehehe. Bróðir hans á litla borðfallbyssu litla og sæta sem hægt er að skjóta úr Og miðað við stærð er hvellurinn ótrúlegur. Nema það,ég mætti snemma á hans mælikvarða og við bróðir hans settum púður í fallstykkið en svo kom ég því fyrir beint fyrir framan nefið á honum og svo var beðið uns kveikiþráðurinn brann upp. Hvellurinn kom,pappirskúla flaug út og lenti á nebbanum á kauða sem flaug upp. Hann hreinlega flaug upp úr kyrrstöðu og magalenti á gólfinu með tilheyrandi blótyrðum að ég held þar sem ég kann voðalega litið í málinu hans sem er pólska.Bróðir hans sem er yngri hljóp út í garð í kjölfarið enda sá nývaknaði vel vöðvaður og breiður. Ég náði því að komast í stofusófann og sat þar alveg saklaus er hann kom askvaðandi fram Þóttist vera að spila spil við krakkana hans og held ég hafi sloppið við grun.Bróðir hans afturá móti er í hættu.

Eins og einhver sagði forðum ÞAÐ ER GAMAN AÐ HREKKJA

18,05,2008

Fór með gemsann þennan klikkaða til að láta lita á hann.Svona við fyrstu læknisskoðun var álitið að ekki væri það verksmiðjugalli. Litill möguleiki á að vírus væri að verki því hann myndi ekki haga sér svona fjölbreytilega. Þeir ætla samt að athuga þann möguleika betur. Ekki heldur hægt að kenna geimverum um en draugar væru 1 % líklegir að koma sér í simaat hehe. Kemur bara seinna í ljós hvað sérfræðingarnir segja...ætti kannski að hafa samband við prest svona til að hafa varan á ef ske skyldi til að særa út hmm

Fékk síma í millitíðinni.

 

Það er draugur

í simanum mínum,allavega lætur hann skringilega. Slekkur á sér,kveikir á sér og á það til að breyta um hringitón án þess nokkur kemur nálægt. Vekjarinn breytir um tón og á það til að fara í gang hvenær sem er. Tekur myndir stundum óbeðinn líka. Búið að standa yfir í viku Þess á milli er hann eðlilegur eða þá barasta frosinn, er þá eins og læstur. Nýlegur sími. Ein frænkan segir að hann sé andsetinn en aðrir segja að það sé bara ofhleðsla sem veldur þessum breytingum Svo eru aðrir sem segja að hann sé bara verksmiðjugallaður. Þetta er allt saman geimverunum að kenna sko......

Bloggvinkonan

Linda G var að kvarta undan myndaleysi í síðustu bloggfærslu svo því var reddað snarlega,bara fyrir hana.

Kafað í mynni

Hvalfjarðar í stilltu hlýju sumarveðri í mjög góðu skyggni,innanum stóra torfu af ufsa.Fundum hluta af kafbátagirðingunni sem enn stendur uppi að mestu. Fundum ketil úr gömlum síðutogara og helling af ölflöskum breskum af uppruna. Fluttum okkur svo á Þingvelli og köfuðum útfrá einum sumarbústað á nýjum stað. Sem skemmtilega kom á óvart. Möruðum fyrst á ca 10-12 m en svo beint framaf niður á 19 m. Þar kom i ljós steinbogi sem hægt er að kafa i gegnum og skemmtileg sprunga sem liggur niðrávið.Hve djúpt vitum við ekki því við stoppuðum á 25 metrunum enda loft litið.

Mætti svo á vaktina um 13:00 verð til 22:00 Synd að vinna í svona góðu veðri.

Þar sem

tvær eða fleiri af hinu veika kyni koma saman,þar er hávaði. Komst að því síðustu daganna. Í afmælinu um daginn hjá kellu komu um 40 manns þar af um 30 af veika kyninu. Sem þýddi að ein talaði sem leiddi til þess að allar þurftu að tala líka og allar voru að reyna að yfirgnæfa hver aðra. Karlpeningurinn voru aftur á móti á lágu tónunum sem vart heyrðust fyrir hávaðamenguninni í hinum hehe. Skrítið lið þetta kvenfólk....

Fertugsafmæli

kellu var haldið í gær.Um 50 manns litu inn.Um tíma var það einsog að vera á háannatíma fugla í Látrabjargi. Allir að tala í einu eða frekar allar og allar að reyna að yfirgnæfa hverja aðra. Svo desibalaskalinn var sprengdur margfalt.