Annáll anno 2007.

Árið byrjaði mjög rólega en var legið á meltunni frá hátíðinni 2006-07.Fór í ótal neðansjávarferðir á árinu þannig að sú hugmynd kom upp að það ætti að setja póstkassa við fjöruborðið eða á baugju sem ég myndi reglulega kíkja í. Var rólegur sem eldfjall í hrekkjum og gerði mjög lítið af mér í þeim efnum...alveg satt. Týndi 2ur gemsum, einn fór í Skógarfoss hinn gufaði barasta upp. Ók yfir einn gemsa, ekki minn þó heldur ferðafélaga í einni af fjölmörgum ferðum sem farin var á árinu. Skipti 2var um símafyrirtæki. Reyndi að gerast krókódílafæða í frumskógarferð en þeir vildi ekkert hafa mig á matarlistanum, svekktur en gengur bara betur næst. Gerði innrás í Pólland og tók þátt í Napóleonstyrjöld og tróð mér í pólskt brúðkaup. Stundaði afmælisveislur í akkorði enda stór ætt. Og rauk upp frænkuskalann Seldi og keypti á árinu svo það verður nýtt ár,ný íbúð og nýtt umhverfi og stutt í vinnuna. Þá er þetta að mestu upptalið...og bloggaði helling ekki má gleyma því.....

Eftir

ca 4 klukkustundir og cirka 30 mín. mun síðustu vaktinni á þessu ári ljúka. Bara 3 áramótaboð bíða handan hornsins.Mæti í öll.Verð að hjálpa frænkunum að skjóta upp sprengiefni.Sjálfur ætla ég ekki að skjóta upp þetta árið geri því meira af því á næsta. Hef verið mjög stilltur í dag og ekkert verið að plana neina hrekki Verið of upptekinn við að klambra saman írönsku kjarnasprengjunni sem ég fékk í gjöf og ég ætla að bomba á miðnætti. Veit að einn óvirkur verður ánægður með það hehehehe......

Öllum hundrað og eitthvað bloggvinum vil ég senda mínar bestu áramótakveðjur og náttúrulega til allra hinna bloggverja líka með þökk fyrir bloggsamveruna á líðandi ári Megi allir og allar koma heil frá þessum áramótum og sem fæstir þurfa á slysadeildinni á að halda.

Lifið heil.....

Stríðsyfirlýsing

á síðasta degi ársins. Samstarfskona gerði mér grikk í gær.Var reyndar búinn að ákveða hefndaraðgerðir eftir síðasta hrekk á klóinu sem tókst mætavel.Bakaði kökur og ég grunlaus beit á agnið. Át helling og allt í góðu nema ....á heimleið á rauðu ljósi byrjuðu lætin á neðri hæðinni. Hafði það þó að komast tímanlega á klóið en þar sat ég lengi, mjög lengi og tæmdi helling af ljósbrúnu já og dökku líka. Þetta þýðir að hér með lýsi ég heilögu stríði við hana á nýju ári og lofa stórfelldum vinnustaðarhryðjuverkum uns hún gefst upp.

Skellti mér

í smá ferðalag með fáeina erlenda gesti.Þingvellir og Hraunfossar voru þeir staðir sem farið var á og fíluðu gestirnir það vel í allri vetraumgjörðinni og hálkunni.

                                                                                              

Óska

öllum bloggvinum og öðrum bloggurum gleðilegs nýrs árs með þökk fyrir öll bloggsamveruna á árinu sem senn líður undir lok.

Al-kaidaárás

á klósettinu. Binni Lati hefði sko verið stoltur.Fann uppblásna blöðru og nældi mér í nál og þegar samstarfsmaður þurfti á því að halda að fara á klósettið kom hryðjuverkapúkinn uppá yfirborðið hjá mér.Kom mér fyrir fyrir framan klósettdyrnar með nál og tvinna afsakið blöðru og beið frekar óþólinmóður því klósettfarinn var frekar lengi. En svo kom tækifærið hann opnaði dyrnar og ég sprengdi.Og áhrifin voru þau að hann öllufremur hún hrökklaðist aftur inn með hringsnúningi og miklu öskri sem brátt breyttust í orð og setningar sem ekki er fyrir viðkvæma svo þau verða ekki sett inn hér.Í snúninginum reif hún í hillu sem hún reif með sér í fallinu svo allt þar fór með á gólfið með látum. Hún hótar nú hefndum af hæsta gæðaflokki og er það nú ástæða þess að ég er búinn að læsa mig inni í kústaskáp og bíð þess að víkingasveitin hin íslenska bjargi mér eða bara einhver....Hún hefur sór þess eið að nú sé stríð gegn hryðjuverkum á vinnustaðnum hafið.Ætli hún sé nokkuð fjarskyld Bushfjölskyldunni ?

Þessi tösku..

fiskur minnir sterklega á frænda sinn frá Suður Ameriku.

Varúð

 GEIMVERURNAR ERU KOMNAR......

Árið senn á

enda og vetur konungur ríkir með kuldabola í taumi. Reyndar langt síðan að svona snjór hafi kyngt niður allavega hér á höfuðborgarsvæðinu. Það er frekar langt síðan að maður hafi séð almennilegan snjókall en nú spretta þeir upp allstaðar. Lýsir upp skammdægið og gleður bæði gangandi og akandi. Og hlaupár framundan.

Fór í ís...

kalda baðferð í Silfru svona til að kæla mann aðeins fyrir langa vinnuvakt. Ætlaði ekki að nenna enda af fenginni reynslu vissi ég að það yrði kalt þrátt fyrir þurrgalla og allt það.En lét undan miklum yfirþrýstingi. Útí var farið í - 4 lofthita og vatnið í gjánni var kalt. Eftir 3-5 minútur var maður hættur að finna fyrir puttunum Vissi bara af þeim af því maður sá þá. Skelltum okkur niðrí myrkrið á 43 metrunum í byrjun en héldum svo út gjána útí vatn. Eftir ca 47 mínútur hætti þurrgallinn að halda hita og við vorum komnir á skjálftavaktina og að taka af okkur fitin i lok köfunar var erfitt því öll tilfinning i puttunum var farin svo einfaldar aðgerðir eins og að taka fit og gleraugu voru meiriháttar og kvalafullar aðgerðir. Búnaðurinn hélaði um leið og á þurrt var komið Hanskarnir frusu við gallann og rennilásar frusu svo illa gekk að afklæðast gallanum. En heitt vatn reddaði málum. Hittum fáeina ískalda túrista sem þótti það klikkun að vera að kafa í þessum kulda. En fylgdust vel með og tóku óspart myndir svo maður fór í allar pósestöðurnar sem Tyra B er búinn að innprenta í landsmenn í þáttaröð sinni american next model. Eftir að í bæinn var komið var farið beint á vaktina.